“Ковид-19” цар тахлын анхны тохиолдол БНХАУ-ын Ухань хотод 2019 оны арванхоёрдугаар сард бүртгэгдсэнээс хойш дэлхийн 221 оронд тархжээ. Дэлхийн хэмжээнд өчигдөр буюу аравдугаар сарын 19-ний байдлаар нийт 242,003,428 тохиолдол бүртгэгдэж, халдвар улмаас 4,923,498 хүн амиа алдаад байгаа юм.

          Цар тахлын үед дэлхийн дахинд цахимжилтыг соёл нэвтэрч, олон хүн цахим орчинг үр дүнтэй, бүтээлч ашиглах болсон. Коронавирус анх БНХАУ-ын Ухань хотод бүртгэгдэж, олон улсад тархсанаас хойш олон нийт халдвар хамгааллаа сахихын тулд амны хаалт, гар ариутгагч зэрэг бүтээгдэхүүн худалдан авч, цар тахлын үед өөр олон салбар ашигтай ажилласан. Уншигч та бүхэнд амны хаалт болон гар ариутгагчаас өөр цар тахлын үед дэлхий даяар хамгийн их борлуулалттай байсан амны хаалт болон гар бараа, бүтээгдэхүүнүүдийг танилцуулъя.

Ариун цэврийн цаас

Дэлхийн нийт хүн амын дөрвөн тэрбум нь ариун цэврийн цаас ашигладаггүй гэдэг судалгаа байдаг ч, цар тахлын үед ариун цэврийн цаасны хэрэгцээ ихсэж, зарим худалдааны төвийн агуулахыг хоослоод байв. “Angel Soft”, “Quilted Northern” брэндээс хийсэн судалгаагаар цар тахал, хөл хорионы үед ихэнх цагаа гэртээ өнгөрөөж байгаа нэг өрхийн жилийн ариун цэврийн цаасны хэрэглээ 40 орчим хувиар нэмэгдсэн байна. Мөн хөл хорионы үед дэлхийн олон оронд ариун цэврийн цаасыг хүргэлтийн үйлчилгээ дэлгэрсэн.

Нүүрний маск

Нүүрний маск хүний нүүрийг 95 хувь зөөлрүүлж, арчилдаг гэдэг. Гэсэн ч зөвхөн арьс зөөлрүүлэх зориулалттай нүүрний маск стресс тайлахад хүртэл хэрэгтэй аж. Цар тахал, хөл хорионы үед бухимдаж, уурласан хүмүүс стрессээ тайлахын тулд нүүрний маск ихээр худалдаж авч байгаа юм. Улмаар нүүрний маскны үйлдвэр, компаниудын эрэлт ихсэж, өнгөрсөн 2020 оны аравдугаар сард зөвхөн эрэгтэйчүүдийн зориулсан нүүрний маск үйлдвэрлэдэг “Manscaped” компанийн үнэлгээ 700 сая ам.доллар болсон аж.

Эвлүүлдэг тоглоом

Хөл хорионы үед шууд харилцаа, нийгмээс холдсон хүмүүс стрессээ тайлах, өөрсдийгөө зугаацуулах шинэ арга зам хайж эхлэхдээ олон төрлийн тоглоом туршжээ. Үүний нэг нь сүүлчийн жилүүдэд мартагдаад байсан эвлүүлдэг тоглоом байсан аж. Хөл хорионы үеийг уйдахгүй, хөгжилтэй өнгөрөөхийг хүссэн хүмүүс эвлүүлдэг тоглоом худалдан авснаар дэлхийн дахинд эвлүүлдэг тоглоомны борлуулалт 370 хувиар нэмэгджээ.

Гэрийн нөхцөлд дасгал хийх фитнессийн төхөөрөмж

Хөл хорионы үед гэрийн нөхцөлд дасгал хийх боломжтой фитнессийн төхөөрөмжийн борлуулалт ихэсжээ. Биеийн тамирын заал хаалттай, гадаа гүймээр байвч гарч чадахгүй хөл хорионы цаг үед энэ төрлийн худалдан авалт ихсэж, дасгалжуулагчид руу холбогдож зөвлөгөө авах хүн ч олширсон гэнэ.

Вебкамер

Өнөө цагт Zoom гэх үгийг сонсож үзээгүй хүн ховор болсон байх. Цар тахлын үеийн цахимжилттай холбоотойгоор олон төрлийн сургалт, ажил цахим хэлбэрт шилжсэн. Үүнийгээ дагаад компьютерт суулгадаг вебкамерын борлуулалт ч ихэссэн байна. Мөн вебкамерын эрэлтийг дагаж, олон улсад вебкамертай холбоотой залилангийн гэмт хэргийн гаралт өссөн аж.

Криптовалют

“XXI зууны алт” хэмээн үнэлэгдэж байгаа криптовалют цар тахлын үед хамгийн их борлуулалттай байж, олон койн, токены үнэ өсжээ. Жишээлбэл, цар тахлын үед дундаж үнэтэй байсан Биткойны үнэ 60 мянган ам.доллар давж, олны анхаарлыг татсан. Мөн дэлхийн хамгийн алдартай автомашин үйлдвэрлэгч компаниудын нэг болох “Тесла” компани 1.5 тэрбум ам.доллароор Биткойн худалдан авсан билээ. Хөл хорионы үед хүмүүс гэрээсээ мөнгө олох арга сэдэж, криптовалютад хөрөнгө оруулж эхэлсэн байна.

Секс тоглоом

Цар тахлын үед дэлхийд секс тоглоомын борлуулалт эрс ихсэж, секс тоглоом 2019-2016 оны зах зээлд ес гаруй хувиар өсөх төлөвтэй байгаа аж. Жишээлбэл, секс тоглоом үйлдвэрлэгч “Aussie” компанийн борлуулалт цар тахал, хөл хорионы үед 350 хувиар нэмэгдсэн байна.