ОНЦЛОХ ҮЙЛ ЯВДАЛ

1138 он

1138 оны аравдугаар сарын 11-ний энэ өдөр Сирийн Алеппо хотод болсон “аймшигтай” хэмээн тодотгодог газар хөдөлжээ. Газрын хөдлөлтийн улмаас Алеппо хот сүйрч, 230 мянга гаруй хүний амь үрэгдсэн гэж тооцоолдог.

1922 он

1922 оны аравдугаар сарын 11-ний энэ өдөр Холбооны мөрдөх товчоонд анхны эмэгтэй тусгай ажилтан орж байжээ. Тухайн үед 54 настай байсан Уилья Ж.Бернс анхны тусгай төлөөлөгч болж, тэтгэвэртээ гарах хүртлээ ажилласан байдаг. Хожим нь тэтгэвэртээ гарсан хойноо АНУ-ын нийслэл Вашингтон хотын хээрийн албанд томилогдон ажиллаж байжээ.

1939 он

1939 оны аравдугаар сарын 11-ний энэ өдөр нэрт эрдэмтэн Альберт Эйнштейн задралын шинжин урвалын судалгааг ашиглан маш хүчирхэг тэсрэх бөмбөг /атомын зэвсэг/ бүтээх боломжтой талаар мэдэгджээ. Түүний судалгаанд гинжин урвалаар дамжуулан их хэмжээний эрчим хүч үйлдвэрлэх магадлалтай талаар дурдсан байдаг. Мөн энэ өдөр маш хүчирхэг тэсрэх бөмбөг бүтээх боломжтой талаар судалгаагаа Альберт Эйнштейн АНУ-ын Ерөнхийлөгч Рузвельтэд мэдэгдсэн аж.

1945 он

1945 оны аравдугаар сарын 11-ний энэ өдөр Чан Кайшигийн тэргүүлж байсан Гомидангийн Засгийн газар, Мао Зэдуны Коммунист намын дундах Хятадын иргэний дайн эхэлжээ. 1927 оны наймдугаар сараас хоёр хуваагдаж эхэлсэн Хятадын хүчин 1949 он хүртэл цуст иргэний дайныг үргэлжлүүлсэн. Харин Японы эсрэг зогссон дэлхийн II дайны үеийн Хятад хамтарсан ч, дэлхийн дайн дууссаны дараа дахин эхэлсэн байдаг. Дайны сүүлчийн жилүүдэд Мао Зэдуны удирдсан Коммунист нам ялалт байгуулж, Чан Кайшигийн удирдаж байсан Хятадын удирдлага Тайвань арал руу ухарсан юм.