Америк тивд очсон анхны хүмүүс сүүлчийн мөстлөгийн үеийн төгсгөлд буюу одоогоос 13-16 мянган жилийн өмнө Берингийн хоолойгоор дамжин Ази тивээс Хойд Америкт хүрсэн гэдэг. Тэгвэл өнөөгийн АНУ-ын Нью-Мексико мужийн нутаг дэвсгэрээс олдсон эртний хүмүүсийн хөлийн мөрийн талаар “The Science” сэтгүүлд “Орчин үеийн дэвшилтэт технологийн аргаар тооцож, тодорхойлоход одоогоос 23 мянга орчим жилийн өмнөх гэж дүгнэсэн” гэжээ.

          Харин Нью-Мексико мужаас олдсон эртний хүмүүсийн мөрийг судалгааг ахалж, ажилласан Бурнмоут их сургуулийн профессор Мэттью Беннет “Үүнээс ч өмнөх үед Америк тивд хүмүүс амьдарч байсан байх боломжтой. Учир нь мөстлөгийн оргил үед тив хооронд аялах боломжгүй байсан. Хүн төрөлхтөн нэг тивд л олон мянган жилийг өнгөрөөсөн” гэсэн байна.

Эх сурвалж: CNN