ОНЦЛОХ ҮЙЛ ЯВДАЛ

951 он

951 оны есдүгээр сарын 23-ны энэ өдөр I Отто Италийн хаант улсыг эзэлж, хаан болжээ. Христийн шашинт Отто Ариун Ромын Эзэн гүрний цэргийг удирдаж, магярууд гэгдэх харийн шашинтнуудыг буулгаж авсан байдаг. Хожим нь I Отто хааныг Христийн шашны ертөнцийг аврагч хэмээн түүхэн хуудсанд тэмдэглэн үлдээсэн байдаг.

1980 он

1980 оны есдүгээр сарын 23-ны энэ өдөр Ямайкийн алдарт дуучин Боб Марли сүүлчийн тоглолтоо хийжээ. Тэрээр сүүлчийн тоглолтоо АНУ-ын Питтсбург хотын Стэнли театрт “Wailers” хамтлагийн хамт үзүүлсэн байдаг. Уг тоглолт болсноос хойш найман сарын дараа алдарт дуучин нас барсан юм.

ОНЦЛОХ ХҮН

Хубилай хаан

1215 оны есдүгээр сарын 23-ны энэ Монголын Эзэнт гүрний зургаа дахь хаан, Юань гүрнийг үндэслэгч Хубилай хаан мэндэлжээ. Тэрээр Хубилай хаан нь Чингис хааны отгон хүү Тулуй, Хэрэйдийн Сорхагтани Бэхи нарын хүү байжээ. Хамгийн том ах Мөнх хааныг нас барсны дараа 1260 онд Их Монгол Улсын хаан ширээг эзлэхээр Хархорумд ирж, өөрийн дүү Аригбөхтэй тэмцэлдсэн. 1264 онд Аригбөхийг ялсан бөгөөд түүний энэхүү ялалт нь эзэнт гүрний нэгдлийг үгүй болгосон гэж болно. Гэсэн хэдий ч Хубилай хаан Юань улсыг бий болгож, Алтан ордны улс, Ил Хан улс, Цагадайн улсыг захиргаандаа оруулсан юм. Түүний энэ ноёрхолд Номхон далайгаас Дунай мөрөн хүртэл, Хойд мөсөн далайгаас Энэтхэгийн далай хүртэлх дэлхийн хуурай газрын тавны нэг хувь багтаж байв. 1271 онд Хубилай хаан Юань улсыг байгуулсан бөгөөд тухайн үед түүний захиргаанд Монгол, Түвд, дорнод Түркестан, умард Хятад, өмнөд Хятадын ихэнх хэсэг болон зарим нэгэн эзлэгдсэн газар нутаг оршиж байв. 1279 онд өмнөд Сүн улсыг амжилттай устгаснаар Хубилай бүх Хятадыг эзлэн суусан анхны Хятад биш угсааны хаан болов. Тэрээр 1260 оноос хойш шинэ байлдан дагууллыг бий болгосон Монгол хаан байлаа. Монголын эзэнт гүрнээр аялсан Марко Поло Хятадад зочилсон бөгөөд түүний аяллын улмаас Хубилай хаан Европт домог болсон юм.

Зигмунд Фройд

1939 оныы есдүгээр сарын 23-ны энэ өдөр Германы суут философич, сэтгэцийн эмч, сэтгэл судлаач Зигмунд Фройд хорт хавдрын улмаас нас баржээ. Түүний амьд ахуйдаа бичсэн гүн ухааны өгүүллүүд, "Онгон шүтлэг ба хорио цээр", "Психоанализ" бүтээл нь өнөөг хүртэл хадгалагдаж, философийн түүхэн дэх шилдэг бүтээлүүдийн нэгт тооцогддог байна.