ОНЦЛОХ ҮЙЛ ЯВДАЛ

66 он

66 оны есдүгээр сарын 22-ны энэ өдөр Эзэн хаан Неро “Италика” хэмээн нэрлэсэн Ромын анхны Эзэн хааны легионыг байгуулжээ. Легион нь 3000-6000 цэргээс бүрдэх морьт цэргийн дивиз юм. Неро хаан анхны легионд нэр өгөхдөө легионы анхны элсэгчдийн гарал үүслээс иш татаж, Итали Улсын нэрнээс санаа авсан бөгөөд бэлгэ тэмдгээр нь гахайн дүрсийг сонгосон байдаг.

1692 он

1692 оны есдүгээр сарын 22-ны энэ өдөр АНУ-д 19 эмэгтэй, нэг эрэгтэйг шулам хэмээн дүүжилж, цаазалсан байна. АНУ-ын Массачусетс мужийн Салем тосгонд шулмын шүүх хурал болж, сэжигтнүүдийг байцааж, цаазаар авдаг байсан нь түүхэнд “Салемын шулам” хэмээн тэмдэглэгдэн үлджээ. Уг үйл явдал 1692 оны хоёрдугаар сараас эхэлсэн бөгөөд 9-11 насны охидод эрүүл мэндийн бус нууцлаг өвчин илрэхэд эмч шулмын хараал гэж онош тавьснаар шулмыг эрэх, шүүх, цаазлах ажил эхэлсэн аж.

1862 он

1862 оны есдүгээр сарын 22-ны энэ өдөр АНУ-ын Ерөнхийлөгч Абрахам Линкольн 1863 оны нэгдүгээр сарын 1 гэхэд АНУ дахь бүх боолыг чөлөөлөх тунхаглал гаргажээ.. АНУ даяар гурав дахь жилдээ иргэний дайн үргэлжилж байсан үйл явдлыг намсгахын тулд уг шийдвэрийн гаргасан гэж түүхчид үздэг байна.

ОНЦЛОХ ХҮН

Шарлотт Купер

1870 оны есдүгээр сарын 22-ны энэ өдөр Английн нэрт теннисчин Шарлотт Купер мэндэлжээ. Тэрээр амьд ахуй насандаа Уимблдоны аварга шалгаруулах тэмцээний ганцаарчилсан төрөлд таван удаа түрүүлж, 1900 оны долдугаар сарын 11-нд Парисын олимпод түрүүлснээр анхны эмэгтэй олимпын теннисний аварга болж байв. Шарлотт Купер их спортоороо тасралтгүй хичээллэсээр 1966 онд 96 насандаа таалал төгссөн юм.

Гуру Нанак

1539 оны есдүгээр сарын 22-ны энэ өдөр Сикизмыг үндэслэгч Гуру Нанак таалал төгсжээ. Тэрээр амьд ахуй насандаа Ази тивээр даяанчилж, хүмүүст “Нэг бурхан” гэх ойлголтод тогтох өөрийн захиасыг зааж явсаар хожим Сикизмыг үндэслэсэн байдаг.