ОНЦЛОХ ҮЙЛ ЯВДАЛ

НТӨ 46 он

НТӨ 46 оны есдүгээр сарын 21-ний энэ өдөр Ромын Эзэн гүрний Эзэн хаан Юлий Цезарь дөрвөн ялалтын жагсаалынхаа эхний өдрийг тэмдэглэж эхлүүлжээ. Түүхэн сурвалжид тэмдэглэгдэн үлдсэнээр дөрвөн ялалтын жагсаалын эхний өдрийн өглөө Ромын Эзэн гүрний эсрэг тулалдсан орнуудын олдлозсод болон олз олсон дайчдын жагсаал болжээ. Уг жагсаалд Галлицын удирдагч Версингеториксийг гинжээр хүлж, ялалтын жагсаалын талбайгаар чирсэн байдаг.

1915 он

1915 оны есдүгээр сарын 21-ний энэ өдөр дэлхийн хамгийн эртний түүхэн дурсгалт газруудын нэг болох Стоунхенжийг дуудлага худалдаагаар 6600 фунт стерлингээр худалджээ. Стоунхенжийн худалдан авагч нь Вилширийн нутгийн уугуул иргэн Сесил Чабб байсан аж. Сесил Чабб Стоунхенжийг худалдан авсныхаа дараа өнөөгийн английн соёл, түүхэн өвийг хадгалах, хамгаалахаар сэргээн засварласан байдаг.

ОНЦЛОХ ХҮН

Стивен Кинг

1947 оны есдүгээр сарын 21-ний энэ өдөр Америкийн аймшгийн, уран зөгнөлт номын зохиолч Стивен Кинг мэндэлжээ. “Аймшгийн хаан” хэмээн нэрлэгддэг Стивен Кинг нийт 63 зохиол бичиж, хэвлүүлсэн нь дэлхий даяар 350 сая гаруй хувь борлуулагдсан юм.

II Эдвард хаан

1327 оны есдүгээр сарын 21-ний энэ өдөр Английн хаан II Эдвард бусдын гарт амиа алдсан байдаг. 1307 онд I Эдвард хаан нас барсны дараагаар II Эдвард хаан ширээг залгамжилж, 20 жилийн турш хаан ширээнд суусан байдаг. II Эдвард хааны үхлийн шалтгаан болон гэмт хэрэгтэн нь өнөөг хүртэл тодорхойгүй байдаг бөгөөд түүхчид II Эдвард хааныг тогтоосон шинэ дэглэмтэй нь холбоотойгоор захиалгаар хөнөөлгөсөн байх боломжтой гэж үздэг байна.