ОНЦЛОХ ҮЙЛ ЯВДАЛ

81 он

Манай эриний 81 оны есдүгээр сарын 14-ний өдөр Ромын Эзэнт гүрний Эзэн хаан Титус нас барж, түүний дүү Домитиан Эзэн хаан болж байжээ. Домитиан 81-96 онд хаан ширээнд сууж, амиа алдсан Флавиан гүрний хамгийн сүүлчийн гишүүн байв. Түүний хаанчлалын үед Сенатуудтай эрс зөрчилдсөн нь эрх мэдэл нь багасахад хүргэсэн байдаг. Улмаар манай эриний есдүгээр сарын 18-нд Ромын Эзэн гүрний танхимын гишүүд хуйвалдаж, Домитианы амийг хөнөөсөн юм.

1812 он

1812 оны есдүгээр сарын 14-ний өдөр түүхэнд “Москвагийн гал” хэмээн тэмдэглэгдэн үлдсэн өдөр эхэлжээ. Тухайн үед алдарт байлдан дагуулагч, Францын эзэн хаан Наполеоны цэргүүд Бородиногийн тулааны дараа Москва хотод очиж, түймэр тавьсан байдаг. Өнөөгийн ОХУ-ын нийслэл Москва хот 1812 оны энэ өдрөөс эхэлж, таван хоногийн турш шатсан юм. Харин Наполеон хааны цэргүүд Москва хотод түрж, очихоос өмнө хотын олонх оршин суугч Москваг орхиж, гарсан нь Оросын талд байж болох хамгийн бага алдагдал хүлээхэд хүрсэн аж.

1938 он

1938 оны есдүгээр сарын 14-ний өдөр Германы “LZ-130 Граф Зеппелин” аварга онгоц анхны нислэгээ хийж байжээ. “LZ-130 Граф Зеппелин” нь Германы нэрт зохион бүтээгч Зеппелин Люфтшиффбаугийн хоёр дахь бүтээл бөгөөд уг онгоцоос өмнө “LZ-127” нэртэй аварга онгоцоо зохион бүтээгээд байсан юм. Хөлгийн анхны нислэгийн баг 74 гишүүнээс бүрдэж, нислэгээ 05:40 цагийн турш үргэлжилсэн бөгөөд нийт 925 километр замыг туулсан байна. Нисгэгчдээс бусад зорчигч тээвэрлэдэггүй, ихэвчлэн суртал ухуулгын зорилгоор нислэгээ үйлддэг байсан “LZ-130 Граф Зеппелин” онгоцын хамгийн сүүлчийн нислэгийг 1940 оны дөрөвдүгээр сард хийж, онгоцыг устгасан юм.

ОНЦЛОХ ХҮН

Эми Уайнхаус

Их Британийн нэрт дуучин Эми Уайнхаус 1983 оны есдүгээр сарын 14-ний энэ өдөр Их Британийн Лондон хотод мэндэлжээ. Тэрээр багаасаа дуулах хүсэлтэй байсан бөгөөд ердөө 14 насандаа анхны дуугаа бүтээж байсан түүхтэй. Эми Уайнхаусын бүтээж байсан гүн илэрхийлэмж бүхий блюз, жазз урсгалын дуунууд сонсогчдод эрэлттэй хүрч, түүний 2006 онд гаргасан "Back to Black" цомог Их Британийн түүхэн дэх хамгийн их борлуулалттай цомгуудын нэг болсон юм. Гэвч нэрт дуучин Эми Уайнхаус өсвөр наснаасаа л мансууруулах бодист донтсон бөгөөд 2011 оны долдугаар сарын 23-нд мансууруулах бодис хэтрүүлэн хэрэглэсний улмаас 27 насандаа таалал төгссөн.

Уильям МакКинли

АНУ-ын 25 дахь Ерөнхийлөгч Уильям МакКинли 1901 оны есдүгээр сарын 14-ний эл өдөр амиа алджээ. Түүний 1901 оны есдүгээр сарын 5-нд 50 мянган иргэн цугласан мэдэгдлийнх нь үеэр Леон Чолгош гэх этгээд үзэгчид дундаас ойртож, цээж рүү хоёр удаа буудсан юм. Уг үйл явдлаас хойш хэд хоногийн турш сураг нь тасраад байсан ч 1901 оны есдүгээр сарын 13-ны өглөө “Ерөнхийлөгч Уильям МакКинлигийн бие муудсан” гэх мэдээ АНУ даяар таржээ. Мэдээ тархсаны маргааш буюу 1901 оны есдүгээр сарын 14-ний 02:15 цагт АНУ-ын 25 дахь Ерөнхийлөгч Уильям МакКинли өвдөлтөө дийлэлгүй нас барсан юм. Таван жилийн турш АНУ-ын төрийн тэргүүнээс ажилласан Уильям МакКинлигийн амийг хөнөөсөн Леон Чолгошийг 1901 оны аравдугаар сарын 29-нд цахилгаан сандалд суулгаж, цаазалсан байдаг.