ОНЦЛОХ ҮЙЛ ЯВДАЛ

1000 он

1000 оны есдүгээр сарын 9-нд Викингийн эрин үеийн томоохон тулаануудын нэг болох Сволдерын тулаан болсон. Норвегийн хаан Олаф Триггвасон өмнөх засгийн эрхийг барьж байсан харийн шашинтнуудыг огцруулж, улс орныг хөгжүүлэх нэрийдлээр Христийн шашныг түгээн дэлгэрүүлэгч нартай дайн зарласан юм. Гэвч тулаанд Норвегийн тал ялагдал хүлээж, Олаф хаан амиа алдсан. Сволдерын тулааны дараа Норвегийн ихэнх хэсэг Швед, Данийн ноёрхолд орж, Жарлс Лэйд хаан захирсан байдаг.

1909 он

1909 оны есдүгээр сарын 9-ний өдөр хүн төрөлхтөн анх удаа бүтэн нэг цагийн турш онгоцоор ниссэн түүхэн үйл явдал болж байв. АНУ-ын Виржиниа мужийн Форт Майер хотын дээгүүр нэг цагийн турш ниссэн онгоцыг нисгэгч Орвилл Райт жолоодсон байна. Хүн төрөлхтний түүхэн дэх анхны нэг цагийн туршилтын нислэгийн үеэр онгоц цагт 40 милийн хурдтай нисэж байжээ. Уг түүхэн үйл явдлын дараа АНУ-ын Дайны яамнаас 25 мянган ам.долларын гэрээ санаа болгосон байдаг.

1971 он

1971 оны есдүгээр сарын 9-ний өдөр Английн нэрт “Битлз” хамтлагийн дуучин Жон Леннон “Imagine” цомгоо сонсогчдын хүртээл болгож байв. Нийт 100 дуунаас бүрдэх “Imagine” цомог 39:29 минут үргэлжилдэг бөгөөд дэлхий даяар 21 сая хувь зарагдсан байдаг.

ОНЦЛОХ ХҮН

Лев Толстой

Оросын нэрт зохиолч Лев Николаевич Толстой 1828 оны есдүгээр сарын 9-ний өдөр ОХУ-ын Ясная Поляна хотод мэндэлжээ. Тэрээр амьд ахуй насандаа “Дайн ба энх”, “Анна Каренина” зэрэг зохиол, бүтээлээ олны хүртээл болгосон нь өнөөг хүртэл олон орны хэл дээр орчуулагдаж, сая сая уншигчид хүрсэн байдаг. Нэрт зохиолч Лев Николаевич Толстой 1910 оны арваннэгдүгээр сарын 20-нд Астаповын галт тэрэгний буудалд уушгины хатгалгааны улмаас нас барсан юм.

Мао Зэдун

БНХАУ-ын удирдагч агсан Мао Зэдун 1976 оны есдүгээр сарын 9-ний өдөр зүрхний шигдээсийн улмаас 82 насандаа нас барсан. Тэрээр 1949 онд БНХАУ байгуулагдсанаас хойш нас барах хүртлээ тус улсыг удирджээ. Мао Зэдуны марксизм-ленинизм, цэргийн стратегид оруулсан онолын хувь нэмэр, түүний коммунист бодлого нь өдгөө маоизм хэмээн хадгалагдан үлдсэн байдаг.