АНУ-ын Орегон мужийн далайн эрэг дээрээс нэн ховорт тооцогддог 45 килограмм жинтэй, 91 см урт “Сарны загас”-ыг олжээ.

Далайн эргийн хамгаалалтын албаны менежер Кит Чандлер “Биднийг очих үед “Сарны засаг” үхэж байсан. Харамсалтай нь усалсан ч түүнийг амьдруулж чадаагүй” гэсэн юм.

АНУ-ын Үндэсний далай, агаар мандлын захиргааны мэдээлснээр “Сарны загас” нь далай дотроо ч нэн ховорт тооцогддог тул эрэг дээр гарч ирэх боломж маш бага гэсэн байна. Орегон мужийн далайн эргээс олдсон “Сарны загас”-т задлан шинжилгээ хийж, боломжит бүх мэдээллийг авах тухай албаныхан мэдээлжээ.

Эх сурвалж: CNN