“Шинэ мэдлэг, шинэ технологи, шинэ ирээдүй” уриан дор зохион байгуулж буй “Эрүүл мэндийн технологи” олон улсын үзэсгэлэн өнөөдөр буюу есдүгээр сарын 25-нд М Банк Арена-д 27 дахь жилдээ эхэлжээ.

   Тус үзэсгэлэн есдүгээр сарын 25-27-ны өдрүүдэд 10:00-19:00 цагийн хооронд үргэлжлэх юм. Энэ жилийн үзэсгэлэнд Монгол Улсаас гадна найман орны эрүүл мэндийн салбарын 30 орчим үйлдвэрлэгч, ханган нийлүүлэгч, эмнэлэг, байгууллага оролцжээ.

   Оролцогчид эрүүл мэндийн салбарын шинэ техник, технологи, эмнэлгийн тоног төхөөрөмж, бүтээгдэхүүн, дэвшилтэт шийдлүүдээ танилцуулж байгаа бөгөөд салбарын мэргэжилтнүүд харилцан туршлага, мэдээлэл солилцох боломж бүрдэж байгаа аж.