Сонгино хайрхан дүүрэгт үйл ажиллагаа явуулдаг “Мөнгөн гүүр” эмнэлгийн нэг ажилтан коронавирусийн халдвар авсан нь батлагджээ. Тодруулбал, албаны эх сурвалжийн мэдээлж буйгаар коронавируст халдвар авсан иргэний ойрын хавьтал буюу гэр бүлийн хүмүүсээс сорьцын шинжилгээ авах явцад нэг хүнээс халдвар илэрсэн бөгөөд тэр хүн нь “Мөнгөн гүүр” эмнэлэгт ажилладаг юм байна. Халдвар авсан иргэн тус эмнэлэгт лаборант хийдэг аж.

Одоогийн байдлаар эрүүл мэндийн салбараас ХӨСҮТ, БЗД-ийн Нэгдсэн эмнэлэг, Цэргийн төв эмнэлэг, Ачтан-Элит клиник болон Мөнгөн гүүр гэсэн таван эмнэлгээс коронавирусийн халдварын тохиолдлууд батлагдаад байна. 

Иймд ойрын хавьтлуудыг судлах тандах ажил явагдаж байгаа аж. Түүнчлэн өнгөрсөн арванхоёрдугаар сарын 25-наас хойш тус эмнэлгээр үйлчлүүлсэн, хэвтэн эмчлүүлсэн, эмч, мэргэжилтнүүдтэй нь уулзсан иргэд ХӨСҮТ болон харъяа газрынхаа өрхийн Эрүүл мэндийн төвд хандаж, шинжилгээнд хамрагдахыг анхааруулж байна.

Одоогийн байдлаар эрүүл мэндийн салбараас ХӨСҮТ, БЗД-ийн Нэгдсэн эмнэлэг, Цэргийн төв эмнэлэг, Ачтан-Элит клиник болон Мөнгөн гүүр гэсэн таван эмнэлгээс коронавирусийн халдварын тохиолдлууд батлагдаад байна.