Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ өглөө. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа нийт 11581 иргэнд коронавирсийн шинжилгээ хийснээс 22 хүнээс нэмж халдвар илэрсэн талаар мэдээлсэн. Ингэснээр манай улсад батлагдсан тохиолдол нийт 1308 болж, Улаанбаатарт 491 боллоо. Халдвар авсан 413 иргэн хэвтэн эмчлүүлж байгаа бөгөөд тэдний гурвынх нь биеийн байдал маш хүнд байгаа гэв.

Түүнчлэн нэгдүгээр сарын 4-нд халдвар авсан нь тогтоогдож, ХӨСҮТ-д эмчлэгдэж байсан иргэн тав дахь хоног дээрээ нас баржээ. Тухайн иргэн нь зүрх судасны өвчтэй, 76 настай эрэгтэй гэх мэдээллийг ХӨСҮТ-ийн Тандалт, судалгааны албаны дарга А.Амбасэлмаа хэлэв.