Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ. 24 цагийн хугацаанд ЗӨСҮТ, ХӨСҮТ болон орон нутгийн вирус судлалын лабораториудад нийт 13621 хүнд коронавирусийн шинжилгээ хийснээс 23 хүнээс халдвар илэрчээ. Халдвар илэрсэн эдгээр иргэний хоёр нь Цэргийн төв эмнэлгийн эмч болон сувилагч гэв. Харин 19 нь Улаанбаатар хотод бүртгэгдсэн кластер голомт буюу "Мөнххада" компанийн ажилтан, Баянзүрх дүүргийн Нэгдсэн эмнэлэг, ХӨСҮТ-өөс батлагдсан халдварын гэр бүлийн иргэн зэрэг ойрын хавьтлууд аж.  

Ингэснээр улсын хэмжээнд батлагдсан тохиолдол 1286 болж байна. Харин өнөөдрийн байдлаар халдвар авсан 398 иргэн эмчлэгдэж байгаа бөгөөд хоёр хүний биеийн байдал маш хүнд байна.