Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ. 24 цагийн хугацаанд буюу өнгөрсөн ням гарагт  ЗӨСҮТ, ХӨСҮТ-ийн болон орон нутгийн вирус судлалын лабораториуд нийт 13621 хүнд коронавирусийн шинжилгээ хийснээс 23 хүнээс халдвар илэрсэн байна. Ингэснээр улсын хэмжээнд батлагдсан тохиолдол 1286 болоод байгаа юм.

Тэгвэл өнөөдрийн байдлаар халдвар авсан 398 иргэн эмчлэгдэж байгаа бөгөөд хоёр хүний биеийн байдал маш хүнд байгаа талаар ЭМЯ-наас мэдээлэв. Харин Сэлэнгэ аймгийн нэгдсэн эмнэлэгт эмчлэгдэж байгаа 18 хүний биеийн байдал хөнгөн байгаа аж.