Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ өглөө. Энэ үеэр ХӨСҮТ-ийн Тандалт судалгааны албаны дарга А.Амбасэлмаа “24 цагийн хугацаанд буюу өнгөрсөн ням гарагт  ЗӨСҮТ, ХӨСҮТ-ийн болон орон нутгийн вирус судлалын лабораториудад нийт 13621 хүнд коронавирусийн шинжилгээ хийснээс 23 хүнээс халдвар илэрлээ. Ингэснээр улсын хэмжээнд батлагдсан тохиолдол 1286 боллоо. Халдвар илэрсэн иргэдийн хоёр нь өнгөрсөн арванхоёрдугаар сарын 20-нд Токио-Улаанбаатар чиглэлийн тусгай үүргийн нислэгээр ирсэн бөгөөд гурав дахь шинжилгээгээр халдвар илэрсэн. Харин хоёр нь Цэргийн төв эмнэлэг, 19 нь Улаанбаатар хотод бүртгэгдсэн кластер голомт буюу "Мөнххада" компанийн ажилтан, БЗД-ийн Нэгдсэн эмнэлэг, ХӨСҮТ-өөс батлагдсан халдварын гэр бүлийн иргэн зэрэг ойрын хавьтлууд” гэв.