Эрүүл мэндийн яамнаас коронавирусийн нөхцөл байдлын талаарх ээлжит мэдээллээ өглөө. ХӨСҮТ-ийн Тандалт судалгааны албаны дарга А.Амбасэлмаа “Өчигдөр нийт 9070 хүнд шинжилгээ хийснээс 18 иргэнд халдвар илэрлээ. Эдгээр иргэн БЗД-ийн Нэгдсэн эмнэлэгт гарсан кластер голомтын хавьтал байна. Ингэснээр халдварын нийт тохиолдол улсын хэмжээнд 941, дотоодод 488 болоод байна. Мөн 451 иргэн хэвтэн эмчлүүлж байгаагаас нэг иргэний биеийн байдал хүнд байна. Түүнчлэн өнөөдөр 89 иргэн эмчлэгдэж, эмнэлгээс гарлаа. БЗД-т шинээр гарсан голомтот бүсийн 30 объектод халдваргүйжүүлэлт, ариутгал хийсэн. Голомтыг барьж тогтоох ажил  үргэлжилж байна. Улаанбаатарт батлагдсан нийт тохиолдол 163 болооод байна. Арванхоёрдугаар 16-нд Франкфурт-Улаанбаатар чиглэлийн тусгай үүргийн нислэгээр ирсэн 173 иргэнд шинжилгээ хийсэн. Бүгдээс нь халдвар илрээгүй” гэв.