Сэлэнгэ аймгийн  5200 иргэнийг “Нэг өрх-Нэг иргэн” коронавируст халдварын шинжилгээнд хамруулах ажилд оролцохоор Улсын нэгдүгээр төв эмнэлэг, Арьсны өвчин судлалын үндэсний төв, Эх хүүхдийн эрүүл мэндийн үндэсний төв, АШУҮИС-ийн Монгол Японы эмнэлгийн 35 резидент, хоёр их эмч, нэг лаборант, хоёр сувилагч нийт 40 эмч, эмнэлгийн мэргэжилтэн Сэлэнгэ аймагт сайн дураараа очин, ажиллаж буй.

Тэгвэл одоогийн байдлаар 2218 иргэн тус шинжилгээнд хамрагдаад байгаа аж. Энэ нь Сэлэнгэ аймгийн нийт өрхийн 38 хувьтай тэнцэх бөгөөд өнөөдрийн 20:00 цаг хүртэл тус аймгийн найман багийн 20 байршилд шинжилгээ авах юм. Тус аймагт ажиллаж буй эмнэлгийн мэргэжилтнүүд орон нутагтаа буцах  иргэд, оюутны шинжилгээний багт ажиллаж байсан туршлагатай юм.