Коронавируст халдварыг илрүүлэх, тандах шинжилгээнд нийслэлийн иргэдийг энэ сарын 4-нөөс хамруулж эхэлсэн бөгөөд нийт 41 цэгт зохион байгуулсан. Тэгвэл нийслэлийн есөн дүүргийн 72 мянга 747 иргэн уг шинжилгээнд хамрагджээ. Энэ нь нийт хүн амын тав орчим хувьтай тэнцэж байгаа аж.  

Өчигдрийн байдлаар 57 мянган иргэний сорьцод шинжилгээ хийснээс бүх хүний хариу сөрөг гарсан бөгөөд үлдсэн сорьцод шинжилгээ үргэлжлүүлэн хийгдэж байгаа гэнэ. Тандалт судалгаагаар эрсдэлтэй хороодод хийгдсэн шинжилгээнд эерэг хариу одоогоор гараагүй байгаа боловч эрсдэл өндөр хэвээр байна.

Иймд иргэд хорио цээрийн дэглэмийн энэ үед халдварын эрсдэл буураагүй гэдгийг анхаарч мэргэжлийн байгууллагуудаас хүргэж буй зөвлөмжийг баримталж, халдвар хамгааллын дэглэмээ сайтар сахин, анхаарал болгоомжтой байхыг зөвлөж байна

Халдварт цар тахлаас өөрийн болон ойр дотны хүмүүсийнхээ эрүүл мэндийг хамгаалан эрсдэлээс урьдчилан сэргийлж, дор бүрдээ анхаарал болгоомжтой байж, коронавируст (ковид-19) халдварын эсрэг хамтдаа тэмцэхийг нийслэлийн иргэддээ уриалж байна.

НИЙСЛЭЛИЙН ОНЦГОЙ КОМИССЫН ШУУРХАЙ ШТАБ