Эрүүл мэндийн яамнаас коронавирусний тархалт, шинжилгээ, нөхцөл байдлын талаар ээлжит мэдээллээ өглөө.

Арванхоёрдугаар сарын 5-нд буюу өнгөрсөн 24 цагийн хугацаанд 14 мянга 19 хүнд шинжилгээ хийжээ. Үүний 700 гаруй нь халдвар авсан хүмүүсийн хавьтлын сорьц аж.

ХӨСҮТ-ийн тандалт судалгааны албаны дарга А.Амбасэлмаа “ХӨСҮТ, ЗӨСҮТ-ийн вирус судлалын лабораторид 14 мянга 19 хүнд шинжилгээ хийснээс долоон хүнээс халдвар илэрсэн. Тодруулбал, Сэлэнгэ аймагт дөрвөр, Дорноговь аймагт гурван тохиолдол батлагдлаа” гэв.  Ингэснээр улсын хэмжээнд батлагдсан тохиолдол 849 болж байна.