ХӨСҮТ-ийн эмч, "Аман хуур" хотхоны оршин суугч зэрэг 26 иргэнээс коронавирусийн халдвар илэрч, нийт тохиолдол 738 боллоо

Б. Отгонзаяа:
Монголчуудын амьдрал- Эрүүл мэнд

2020-11-27, 1015

Эрүүл мэндийн яамнаас коронавируст халдварын нөхцөл байдлын талаарх ээлжит мэдээллээ өглөө. ХӨСҮТ-ийн Тандалт судалгааны албаны дарга А.Амбасэлмаа “18031 хүнд шинжилгээ хийснээс 26 хүнээс коронавирусийн халдвар илэрсэн. Улаанбаатарт хоёр тохиолдол нэмж батлагдсан. Үүний нэг нь ХӨСҮТ-ийн клиникт тусгаарлагдсан гэр бүлийн хүний ойрын хавьтал, нөгөө нь бариа засалчтай холбоотой иргэний хавьтал байна. Мөн ХӨСҮТ-ийн нэг эмчээс халдвар илэрч, эмнэлэг сувиллын нийт 11 тохиолдол батлагдлаа. Биеийн байдал маш хүнд нэг иргэн байна. 80 настай эрэгтэй аппаратанд байгаа.

Баянзүрх дүүрэг 16

Сонгинохайрхан дүүрэг 10

Баянзүрх дүүрэг 18

Сүхбаатар дүүрэг 12

Хан-Уул дүүрэг 7

Чингэлтэй дүүрэгт нэг

Багануур дүүрэгт нэг тохиолдол батлагдаж, дотоодын халдвар 300, улсын хэмжээнд нийт тохиолдол 738 болоод байна. Эдгээр дүүргийн 23 хороонд нийт 65 тохиолдол батлагдаж, хавьтал болох 976 иргэнийг тусгаарлаад байна. Сүүлд илэрсэн тохиолдол Аман хуур хотхоноос илэрсэн тул энэ чиглэлд зорчсон болон тус хотхоны иргэд эмнэлгийн байгууллагад хандахыг анхааруулж байна” гэв.

ХӨСҮТ-ийн эмч, "Аман хуур" хотхоны оршин суугч зэрэг 26 иргэнээс коронавирусийн халдвар илэрч, нийт тохиолдол 738 боллоо