Сэлэнгэ аймагт коронавирусийн 10 тохиолдол шинээр бүртгэгдэж нийт тохиолдол 51 болоод байгаа. Үүнтэй холбоотойгоор тус аймгийн онцгой комиссоос мэдээлэл хийлээ.

Сэлэнгэ аймгийн Засаг дарга Ш.Оргил “Өчигдрөөс хойш 10 тохиолдол шинээр нэмэгдлээ. Коронавирусийн халдвар агаар дуслын замаар халдвараладаг учир эмнэлгийн байгууллагын зүгээс бүх хүнд шинжилгээ хийх хэрэгтэйг зөвлөж байгаа. Сүүлийн гурав хоногт нийт 4646 иргэн сайн дураар коронавирусийн илрүүлгийн шинжилгээнд хамрагдсан. Сүхбаатар аймагт 20, Алтанбулагт таван цэгт түргэвчилсэн болон пи си ар шинжилгээ хийж байна. Түргэвчилсэн оношлогоогоор сэжигтэй гарвал пи си ар шинжилгээнд хамруулж байгаа.

12 тусгаарлах байранд 239, гэрээр 44 нийт 283 иргэн тусгаарлагдаж байна

Халдвар илэрсэн иргэдийн ойрын хавьтлын 464 иргэнээс сорил авсан. Мөн 12 тусгаарлах байранд 239, гэрээр 44 нийт 283 иргэн тусгаарлагдаж байна. Сүхбаатар аймгийн хэмжээнд тэг зогсолт хйих боломжгүй. Учир нь оношлогоо, шинжилгээ төвүүд ажиллаж байна. Эмнэлгийн байгууллага зэрэг газрууд үйл ажиллагаагаа хэвийн явуулж байгаа. Түүнчлэн Сэлэнгэ аймгаас 930 иргэн бусад аймаг болон нийслэл рүү явах хүсэлтэй байгаа. Сум хооронд зорчих хүсэлтэй 266 иргэн байна. Нийслэлээс 764 хүн Сэлэнгэ аймагт ирэх хүсэлтэй байгаа. Энэ бүх судалгааг бид удирдах байгууллагад хүргэсэн Нийтээрээ дэг журам, эмх цэгц, хариуцлагатай байх нь чухал” гэв