Улсын онцгой комиссын шуурхай хуралдааны дараа ЭМЯ-ны Төрийн нарийн бичгийн дарга Я.Амаржаргал томуу, томуу төст өвчлөлийн талаарх мэдээллийг өгсөн. Тэрбээр “Томуу, томуу төст өвчлөлийн хүндрэл үүсээгүй. Одоогоор амбулаторийн үзлэгийн 4.5 хувьд хүрээд байна. Нийслэлийн хэмжээнд 1200 гаруй хүүхдийн ор байдгаас 700 орчим хүүхэд томуу, томуу төст өвчлөлөөр эмчлүүлж байна.

Томуугийн вакцинд нэг сая гаруй иргэнийг хамруулахаар төлөвлөж байсан. Одоогоор зорилтот бүлгийнхээ 97 хувийг вакцинжуулаад байна. Манай улс жил бүр 45-50 мянган иргэнийг томуугийн эсрэг вакцинаар дархлаажуулдаг байсан. Энэ жил коронавирустай холбоотойгоорнэг сая гаруй хүний вакцин татахаар төлөвлөсөн. Үүнээс эхний ээлжинд 500 мянган хүний вакциныг татсан. Мөн удахгүй ДЭМБ-аас 100 мянган хүний вакцин ирнэ” гэв.