Эрүүл мэндийн яамнаас ээлжит мэдээллээ хийлээ. ХӨСҮТ-ийн дарга Д.Нямхүү “Сүүлийн гурван хоногт нийт 2027 хүнд шинжилгээ хийсэн. Шинжилгээний хариугаар гурван хүнээс коронавирусийн халдвар илэрсэн. Тодруулбал, аравдугаар сарын 8-нд 51 настай, Алтанбулагийн боомтоор орж ирсэн ачаа тээврийн жолооч, аравдугаар сарын 10-нд Токио-Улаанбаатар чиглэлийн онгоцоор ирсэн 31 настай эмэгтэй, 25 настай эрэгтэй нараас коронавируст халдвар илэрсэн. Ингэснээр нийт батлагдсан тохиолдол 318 болж байна. 310 хүн эдгэрсэн. Найман хүн эмчлүүлж байна. Тавынх ньбиеийн байдал хөнгөн, гурав нь хүндэвтэр байгаа

Өнгөрсөн гурван хоногийн хугацаанд хоёр хүн эдгэрч, дараагийн шатны сувилалд шилжлээ. Тодруулбал, наймдугаар сарын 30-ны өдөр Нурсултан-Улаанбаатар чиглэлийн онгоцоор ирсэн 60 настай эмэгтэй, есдүгээр сарын 2-нд Сиатл-Улаанбаатар чиглэлийн онгоцоор ирсэн 81 настай эмэгтэй эдгэрсэн” гэв.