Багшлах эрхийн гэрчилгээ олгох 45 хоногийн сургалтын талаар Боловсролын сайд П.Наранбаяр өнөөдөр мэдээлэл хийсэн. Энэ үеэр "Үнэн ба зөв" намын дарга асан А.Отгонбаатар сайдын мэдээлэлд дургүйцлээ илэрхийлэн өндөг шидсэн. Харин түүнийг зогсоон, А.Отгонбаатартай сайдын хэвлэлийн төлөөлөгч Т.Отгонбаатар зодолдсон юм.

    Т.Отгонбаатар нь МУИС-ийг эдийн засагч, хүн ам зүйн мэргэжлээр төгссөн байна. Ажлын туршлагын хувьд, "Апу" ХК-д судалгааны менежрээр, "Апу трейдинг" ХХК-д судалгааны менежрээр тус бүр ажиллаж байгаад, "Агула консалтинг" ХХК-ийн үүсгэн байгуулжээ. Одоо харин  ХҮН намын нарийн бичгийн даргаар ажиллаж байгаа бөгөөд 2020 оноос эхлэн тус намд ажиллаж эхэлсэн байна. Боловсролын сайд П.Наранбаярыг сайд болоход тэрбээр бие төлөөлөгчөөр нь ажиллахаар томилогдсон. Өдгөө тэрбээр НИТХ-д намаасаа Баянзүрх дүүрэгт нэр дэвшиж байна. Түүнчлэн улс төрийн манлайлагч бэлтгэх зорилгоор улс төр сонирхдог, улс төрд манлайлах зорилготой залуучуудад зориулан "Хүн академи" сургалтыг намынхаа гишүүдтэй хамтран зохион байгуулж буй юм.