Эрүүл мэндийн яамнаас коронавирусийн тархалтын талаар мэдээлэл өглөө. Энэ үеэр Эрүүл мэндийн яамны хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 7500 хүний сорьцод шинжилгээ хийхэд 1288 хүнээс халдвар илэрлээ. Үүний гурав нь эрүүл мэндийн салбарт ажилладаг ажилтан байна. Ингэснээр манай улсад  65255 хүн коронавирусийн халдвар авсан байна. Өнгөрсөн хоногт дөрвөн хүн нас барж, нас барсан хүний тоо 311 боллоо. Мөн 185 хүн эдгэрч эмнэлгээс гарсан байна” гэлээ.