Иргэдийн хүсэлтээр коронавирусийн халдвар илрүүлэх түргэвчилсэн шинжилгээг энэ сарын 3-аас шинжилгээний цэгүүдээр авч эхэлсэн. “PCR” шинжилгээг зөвхөн ойрын хавьтал болсон иргэдээс авах аж.

     Шинжилгээ авах цэгүүдийн байршилд өөрчлөлт ороогүй. Түргэвчилсэн шинжилгээний сөрөг хариу нь 48 цагийн хугацаанд хүчинтэй. Хөдөө, орон нутаг зорчих иргэд тухайн аймгийнхаа Онцгой комиссын шийдвэрийг үндэслэн түргэвчилсэн болон “PCR” шинжилгээний хариугаар зорчино. Мөн орон нутагт зорчиж байгаа 0-17 насны хүүхдээс “PCR” болон түргэвчилсэн шинжилгээний хариу шаардахгүй бөгөөд эмнэл зүйн шинж тэмдэг илэрсэн тохиолдолд заавал түргэвчилсэн шинжилгээ авна.

Нийслэлийн төвийн зургаан дүүрэгт суурин гурав, явуулын гурван шинжилгээний цэг ажиллаж байна. Дараах байршлуудад 09:00-12:00 цагийн хооронд шинжилгээ авч байна. Үүнд:

1.      Баянгол дүүрэг-96 дугаар цэцэрлэг

2.      Сүхбаатар дүүрэг-143 дугаар цэцэрлэг

3.      Чингэлтэй дүүрэг-74 дүгээр цэцэрлэг

4.      Баянзүрх дүүрэг-“Тэнгэр" худалдааны төвийн гадна талбай

5.      Сонгинохайрхан дүүрэг- 5 шарын төмөр замын гармын ард байрлах “Номин" агуулах худалдааны гадна талбай

6.       Хан-Уул дүүрэг-Буянт-Ухаа спорт цогцолборын гадна талбайд очиж шинжилгээ өгөх боломжтой.