“Тусгай салаа” киноны Сүлдийн дүрээр олонд танигдсан жүжигчин А.Алтанхуяг МУСТА цол хүртлээ. Тэрбээр “Би 2008 онд СУИС-ийг төгссөн. 13 жил урлагийн салбарт ажиллаж, зүтгэснийг минь төр засаг үнэлж, МУСТА цолоор шагналаа. Би маш баяртай байна. Намайг дэмждэг бүх хүнд баярлалаа” хэмээн баярын сэтгэгдлээ илэрхийлжээ. Тэр өнгөрсөн хугацаанд “Үндэсний баялаг”, “Галзуу зугаалга”, “Цасан хүн” зэрэг кинонд гол болон туслах дүр бүтээсэн байна.