Налайхын уурхайн нүхэнд унасан үхрийн татаж, гаргажээ. Тодруулбал, нэгэн иргэн “Налайхчуудын нээлттэй групп” гэх цахим хуудаст  нүхэнд унасан үхрийн зураг оруулж, “Энэ үхрийн эзэн яаралтай холбогдоорой. Байгаа газрыг нь зааж өгье” хэмээн пост оруулсан байсан юм. 

     Тус мэдээллийн дагуу цахим хуудаст мэдэгдэл оруулсан Ц.Идэрмөнхтэй холбогдож, үхрийг нүхнээс гаргасан эсэх талаар тодрууллаа. Тэрбээр “Үхрийн эзнийг олсон. Дөнгөж сая (зургадугаар сарын 2-ны 17:30 цагийн үед) хамт татаж, гаргачихаад зогсож байна. Налайхын уурхайд мал, амьтан унах олон нүх байдаг. Нүхэнд унасан үхэр гэмтэж, бэртээгүй байна лээ. Бид зургуулаа татаж гаргалаа. Эзэн нь үхрээ зургаа, долоо хоног хайсан гэсэн. Нүхэнд унаад удсан юм шиг байна” гэлээ.