Эрүүл мэндийн яамнаас коронавирусийн тархалтын талаар мэдээлэл өглөө. Энэ үеэр Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 8618 сорьцод шинжилгээ хийхэд 790 хүнээс коронавирусийн халдвар илэрлээ. Тодруулбал, Улаанбаатарт 681, орон нутагт 109 хүнээс халдвар илэрсэн байна. Мөн тус өвчний улмаас долоон хүн нас барсан. Өчигдөр эмнэлгээс 327 хүн, гэрийн хяналтаас 168 хүн гарч эдгэрсэн байна” гэлээ.