Тавдугаар сарын 20-ны байдлаар улсын хэмжээнд нийт 14.7 сая метр квадрат талбайд нийтийн эзэмшлийн 11,6 сая  м2 талбай, мал, мах бэлтгэх цэг, байр, оффис, тээврийн хэрэгсэл, түүхий эд, бэлтгэх цэг, агуулах, муу, усны жорлон бусад  объектыг хамруулан орчны цэвэрлэгээ, халдваргүйтгэл хийжээ.

     Харин өнгөрсөн долоо хоногт хяналтын түр болон байнгын постод нийт 787 төр, хувийн хэвшлийн албан хаагч, 221 тээврийн хэрэгслээр 168,2 мянган метр квадрат талбайд халдваргүйтгэл хийсэн байна.

     Түүнчлэн ХХААХҮ-ийн сайдын 01 дүгээр албан даалгаврыг хэрэгжүүлэх ажлын хүрээнд улсын хэмжээнд зүй бусаар хорогдсон мал, амьтны сэг зэмийг цуглуулж устгах ажил 55 хувийн гүйцэтгэлтэй байна. УОК-ын 01 дүгээр тогтоолын хэрэгжилтийг хангах, коронавируст халдварын цар тахалтай тэмцэх, тархалтыг бууруулах зорилгоор Онцгой байдал, Зооноз, Мэргэжлийн хяналт, Эрүүл мэндийн байгууллагууд хамтран улсын хэмжээнд халдваргүйтгэлийн ажлыг зохион байгуулж байна гэж УОК-ын Шуурхай штабаас мэдээллээ.