Хэнтий аймгийн Дадал сумын нутагт хээрийн түймэр гарсан тухай дуудлагыг энэ сарын 25-ны өдрийн 17:00 цагт хүлээн авчээ. Дуудлагын дагуу тус аймгийн Онцгой байдлын газар, Хилийн 0287 дугаар анги, Хилийн 0275 дугаар ангийн алба хаагчид, сумын Засаг даргын Тамгын газар, Онон Балжийн байгалийн цогцолборт газрын хамгаалалтын захиргааны ажилтнууд ажиллаж, өчигдөр 14:30 цагт түймрийг бүрэн унтраасан байна. Уг түймэрт нийт 2800 га талбай шатжээ.