Монгол Улсын Засгийн газар, Улсын Онцгой комисс, Олон улсын улаан загалмай, Улаан хавирган сар нийгэмлэгүүдийн холбооноос энэ оны гуравдугаар сарын 13,14-ний өдрүүдэд болсон хүчтэй цасан болон шороон шуурганы улмаас үүссэн нөхцөл байдалд авч хэрэгжүүлэх ажлын хүрээнд орон гэргүй болсон өрхүүдэд гэр олгохоор шийдвэрлэсэн байна.

      Энэхүү шийдвэрийн хүрээнд Өвөрхангай аймагт тухайн цаг агаарын гамшигт үзэгдлийн улмаас гэр нь нурж орон гэргүй болсон 15 өрхөд иж бүрэн гэр, тус бүр дөрвөн ширхэг хөнжил, мөн тооны гудас, гал тогооны иж бүрэн хэрэгслийг аймаг орон нутгийн удирдлагууд гардуулан өглөө.

      Мөн Монголын улаан загалмай нийгэмлэгээс Өвөрхангай аймагт цар тахлын хөл хорионы үед орлогогүй болсон, хүнсний хомстолд орж болзошгүй 19 сумын 500 өрхөд хүнсний тусламж үзүүллээ гэж Өвөрхангай аймгийн Онцгой байдлын газраас мэдээллээ.