Нийслэлийн Баянзүрх дүүргийн 11 дүгээр хороо, “Загас үржүүлэг”-ийн тогтоол нууранд 33 настай эрэгтэй живжээ. Тус дуудлагыг өчигдөр  онцгой байдлын газар 13:29 цагт хүлээн авсан байна. Нийслэлийн Аврах анги-105-ын алба хаагчид 15 км замыг туулан 13:55 цагт очиход “Загас үржүүлэг”-ийн тогтоол нуурын таван метрийн гүнээс нийслэлийн Баянзүрх дүүргийн 13 дугаар хорооны харьяат иргэн А ,33 настай, эрэгтэйгийн цогцсыг гаргаж, тус дүүргийн Цагдаагийн гуравдугаар хэлтсийн мөрдөгчид шилжүүлж өгсөн байна.