Эрүүл мэндийн яамнаас коронавирусийн халдварын талаар ээлжит мэдээлэл хийлээ. Энэ үеэр Эрүүл мэндийн яамны хэвлэл мэдээлэл олон нийттэй харилцах зөвлөх Б.Ууганбаяр “Сүүлийн 24 цагт 575 хүнээс коронавирусийн халдвар илэрсэн. Үүнээс Улаанбаатарт шинээр 492, хөдөө орон нутагт 78 хүнээс  халдвар бүртгэгдлээ. Мөн зургаан хүн халдварын улмаас нас барж, 865 хүн эдгэрч, эмнэлгээс гарлаа. Нийт 3854 хүн эмнэлэгт хэвтэж байгаагаас маш хүнд 99, хүнд 497, хүндэвтэр 1379, хөнгөн 1899 хүн байна.

     Улаанбаатар хотод нэгдүгээр тунд 926677 хүн, хоёрдугаар тунд 509465 хүн хамрагджээ. Хөдөө орон нутагт нэгдүгээр тунд 875593 хүн, хоёрдугаар тунд 156822 хүн хамрагдсан байна. 25-29 насны хүмүүс дархлаажуулалтдаа идэвх муутай, 65-69 насны хүмүүс идэвхтэй байна.