Сэлэнгэ аймгийн Баянгол сумын Гонир багийн тавдугаар хэсгийн Бургасан тохой гэдэг газар хоёр хүүхэд Хараа голын эрэг дээр тоглож байгаад нэг нь голд осолджээ.

Тус аймгийн Онцгой байдлын газрын Баянгол сум дахь Онцгой байдлын хэлтсийн Гал түймэр унтраах, аврах 40 дүгээр анги, Мандал сумын Цагдаагийн хэлтэс, Эрүүл мэндийн төвийн ажилтнууд эрэн хайх ажиллагааг зохион байгуулсан байна. Үүний дүнд өчигдөр 21:45 цагт  осолдсон гараас 4.5 км-ээс Г, таван настай, эрэгтэйгийн цогцсыг олж, тус сумын Цагдаагийн хэлтсийн мөрдөгчид шилжүүлэн өгчээ.