Улаанбаатар хотоос Ховд аймаг руу зорчиж байсан автобус Говь-Алтай аймгийн нутагт шатжээ. Тухайлбал, өчигдөр 12:52 цагт Говь-Алтай аймгийн ОБГ-ын 7048101 тусгай дугаарын утсанд иргэн Т-ийн тээврийн хэрэгсэл шатаж байна гэх дуудлага иржээ. Дуудлагын дагуу тус аймгийн ОБГ-ын гал түймэр унтраах 59-р ангийн таван албан хаагч газар дээр нь ажиллаж 1:55 цагийн хугацаанд галыг бүрэн унтрааж, иргэн Т-д хүлээлгэн өгчээ.

      Тухайн автобус тус аймгийн Улаан туг багийн дундын овоо гэдэг газар Говь-Алтай аймгийн төвөөс баруун хойд зүгт 40 км, Шарга сумын төвөөс зүүн урд зүгт 30 км-ын зайд шатаж байжээ. Автобусанд хоёр жолооч зорчиж байсан бөгөөд эм, эмнэлэгийн хэрэгсэл, бусад дайвар ачааг ачиж явсан байна. Галын улмаас хүний амь эрсдэж, гэмтээгүй ч ачаа нь бүгд шатсан байна. Осол гарсан шалтгааныг эцэслэн тогтоохоор Говь-Алтай аймгийн ОБГ-ын албан хаагчид ажиллаж байна.