Тээврийн цагдаагийн албаны жижүүрийн шуурхай удирдлагын хэлтэс өнгөрсөн 24 цагийн хугацаанд 246 дуудлага мэдээлэл хүлээн авсан байна. Үүнээс зам тээврийн ослын шинжтэй 168 дуудлага бүртгэгдсэн аж. Бүртгэгдсэн зам тээврийн ослын улмаас нийслэлд зургаа, орон нутагт хоёр хүн гэмтсэн байна. Мөн шөнийн 01:00 цагийн орчим Сонгинохайрхан дүүргийн нутаг дэвсгэр Баянхошууны замд "Toyota-Prius" маркийн автомашины жолооч нь явган зорчигчийг мөргөж, амийг нь  хохирсон байна.

      Алба хаагчдаас гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийслэлд 33, орон нутагт 28 зөрчил илрүүлж, учирч болох эрсдэлээс урьдчилан сэргийлж ажиллажээ.