УИХ-ын гишүүн Н.Учралын хүргэн дүү А.Чингүүн Нийслэлийн орон сууц корпорацын Мэдээлэл технологи, олон нийттэй харилцах хэлтсийн даргаар томилогдсон гэх мэдээлэл гарсан. Энэ талаар тус албан тушаалыг хашиж байсан н.Уламбаяраас тодруулахад “Би албан тушаалаа загвар өмсөгч А.Чингүүнд өгсөн нь үнэн. Би өөрийнхөө хүсэлтээр ажлаа өгсөн” гэлээ. Харин түүнийг тус албан тушаалд томилсон хүн нь НОСК-ын гүйцэтгэх захирал М.Говьсайхан гэх. Тэрбээр хотын дарга Д.Сумъяабазарыг УИХ-ын гишүүнээр ажиллаж байхад нь түүний туслах байжээ. Харин 2020 онд Сонгинохайрхан дүүргээс НИТХ-ын төлөөлөгчөөр сонгогдсон гэдэг.