Сүхбаатар дүүргийн зургаадугаар хорооны нутаг дэвсгэрт байрлах “Магнай трейд” ХХК-ны төв байрны 12 давхраас хүн унаж, амиа алджээ. Тодруулбал, тус компанийн ажилтан 39 настай эрэгтэй Г унаж, нас барсан байна. Хэргийн талаар ЦЕГ-аас Хэвлэл мэдээллийн төвийн мэргэжилтнээс тодруулахад “Цагдаагийн ерөнхий газарт тус хэргийн талаарх дуудлага өнөөдөр 06:52 цагт ирсэн. Хэргийг Сүхбаатар дүүргийн Цагдаагийн газрын нэгдүгээр хэлтэс шалгаж байгаа” гэлээ. Албан бус эх сурвалжийн мэдээлж буйгаар талийгаач тус компанид тогоочоор ажилладаг байжээ.