Эрүүл мэндийн яамнаас коронавирусийн халдварын тархалтын талаар мэдээлэл хийлээ.

      Энэ үеэр Эрүүл мэндийн яамны Хэвлэл мэдээлэл олон нийттэй харилцах, зөвлөх Б.Ууганбаяр “Өнгөрсөн 24 цагийн хугацаанд 477 хүнээс коронавирусийн халдвар илэрсэн байна.  Нийт халдварын тоо улсын хэмжээнд 45.936 боллоо. 477 хүний дөрөв нь эмнэлгээс шалтгаалах халдвар байна. Тиймээс Улаанбаатар хотод 448, орон нутгийн 25 хүнээс халдвар бүртгэгджээ. Сүүлийн 24 цагт 1570 хүн эдгэрч, халдварын улмаас 4.631 хүн эмнэлэгт хэвтэн эмчлүүлж байна. Түүнээс хөнгөн 2510, хүндэвтэр 1487, хүнд 524, маш хүнд 110 хүн байна. Мөн тус хугацаанд 41-90 насны есөн хүн нас барлаа. Нас барсан иргэд эмнэлэгт хэвтэн эмчлүүлж байсан” гэлээ.