Өнгөрсөн шөнө Төв аймгийн нутгийн өмнөд хэсгээр 0.0-4.0 мм нойтон цас, цас орж энэ үеэр салхины хурд секундэд 12-16 метр, зарим үед секундэд 18-27 метр хүрч, Хэнтий аймгийн нутгийн баруун хэсгээр 0.0-10.0 мм нойтон цас орж, салхины хурд секундэд 14-20 метр, зарим үед 21-28 метр хүрчээ.

   Харин Дундговь аймгийн нутгийн зүүн хэсгээр 0.0-17.0 мм нойтон цас орж, салхины хурд секундэд 21-28 метр, зарим үед секундэд 24-32 метр, Дорноговь аймгийн нутгийн баруун хэсгээр 0.0-4.0 мм нойтон цас орж, салхины хурд секундэд 18-23 метр, зарим үед 29 метр хүрч байгалийн гамшигт үзэгдэл болсон байна. Өнөөдрийн байдлаар Дорноговь аймгийн нутгаар байгалийн гамшигт үзэгдэл үргэлжилж байгаа аж.

 Мөн Хэнтий аймгийн нутгийн баруун хэсгээр секундэд 16-19, зарим үед 22-28 метр хүрч, Дундговь аймгийн нутгаар секундэд 21-28 метр, зарим үед 24 -32 метр хүрч, шороон шуурга шуурч байгалийн гамшигт үзэгдэл болж байна.

Эх сурвалж: ЦУОШГ