Эрүүл мэндийн яамны коронавирусийн тархалтын талаарх ээлжит мэдээллийн үеэр Анагаах ухааны доктор, профессор, академич Г.Батбаатар коронавирусийн эсрэг вакцины талаар мэдээлэл өглөө.

Тэрбээр “Монгол Улсад хэрэглэж байгаа вакцинуудын аюулгүй байдал, хамгаалах чадвар нь эмнэл зүйн туршилт судалгааны дүнгээр баталгаажсан. Тухайлбал, “Синофарм” вакциныг хүн төрөлхтөн 100 гаруй жил, “Астразенека”, “Спутник-V” 40 гаруй жил хэрэглэж байна. Нийтийг хамарсан дархлаажуулалтын үед вакцинуудын үр дүнг харьцуулсан судалгаа хийж байгаа учир дүгнэлт хийх боломжгүй. Вакцины сүүлийн хоёр дахь тунг хийлгэснээс хойш долоогоос дээш хоносон бол бүтэн тун хийлгэсэн гэж үзнэ. Вакцины бүтэн тун хийлгэсэн иргэдэд халдварын шинж тэмдэг илрэхгүй. Хүнд, нэн хүнд хэлбэрээр өвдөх, бусад халдвар дамжуулах эрсдэл буурна. Коранавирусийн эсрэг ямар ч үйлдвэрийн вакцин аюулгүй. Ямар нэгэн өвчин үүсгэхгүй, хүний удмын мэдээлэлд нөлөөлөх үндэслэлгүй” гэлээ.