Хөвсгөл аймгийн Галт сумын Зүрх багийн нутгаас энэ сарын 4-ны 09:00 цагийн орчим иргэн Г гэрээсээ явган гараад сураггүй болжээ.

Тус аймгийн Онцгой байдлын газрын Гал түймэр унтраах, аврах 76 дугаар ангийн алба хаагчид, Галт сумын Засаг даргын Тамгын газрын ажилтнууд, орон нутгийн иргэд тус сумын харьяат иргэн Г, 20 настай, эрэгтэйг хоёр бүлэгт хуваагдан нэгдүгээр бүлэг тус багийн Бор дэвсэг гэдэг газраас Бяцхан мухарын-Ам гэдэг газар хүртэл 15 км-т явганаар, хоёрдугаар бүлэг тус багийн Идэрийн гол гэдэг газраас Доод давааны-Ам гэдэг газар хүртэл 20 км-т явганаар эрэн хайх ажиллагааг зохион байгуулж, үзэгдэх орчин хязгаарлагдсан тул мөн өдрийн 20:09 цагт түр зогсоосон байна. Өнөөдөр 07:00 цагт эрэн хайх ажиллагааг эхлүүлсэн аж.