• Өнөөдөр 2021-05-15

Сэлэнгэ мөрөнд осолдсон долоон иргэний гурвыг нь олоогүй байна

2021-05-03,   58

     Хөвсгөл аймгийн Тосонцэнгэл сумын Тээл багийн Тэгш булан гэдэг газар энэ сарын 21-ны өдөр 10 хүн Сэлэнгэ мөрнийг  завиар гатлах явцад завь нь хөмөрч долоон иргэн голын усанд осолдсон. Гэтэл өнөөдрийг хүртэл усанд осолдсон долоон иргэний гурвыг нь олоогүй эрэн хайх, аврах ажил үргэлжилж байна. Өчигдрийн байдлаар тус аймгийн Онцгой байдлын газар, Орхон, Булган, аймгийн Онцгой байдлын газрын алба хаагчид, Тосонцэнгэл, Рашаант, Их-Уул сумын Засаг даргын Тамгын газрын ажилтнууд, иргэд Хөвсгөл аймгийн Шинэ-Идэр сумын харьяат Г, 50 настай, эрэгтэй, Рашаант сумын харьяат У, 32 настай, эмэгтэй, Улаанбаатар хотын Хан-Уул дүүргийн харьяат Б найман настай, охин нарыг эрэн хайх ажиллагааг зохион байгуулсан байна. 

Нэгдүгээр бүлэг:Тосонцэнгэл сумын Тээл багийн Тэгш булан гэдэг газраас Их-Уул сумын Мандал багийн “Дөрөө хангинадаг”-н гүүр хүртэл 88 км-т завиар, 

Хоёрдугаар бүлэг: Булганаймгийн Хангал сумын Хялганат тосгоны Сэлэнгийн гүүрнээс зүүн зүгт Хангал сумын Сөрт багийн Цагаан тавилан гэдэг газар хүртэл 20 км-т завиар, 

 Гуравдугаар бүлэг: Булган аймгийн Бугат сумын Ханжаргалант багийн Уул-Алтай гэдэг газраас зүүн зүгт Булган аймгийн Сэлэнгэ сумын Сөрт багийн Цонхлон гэдэг газар хүртэл 85 км-т завиар, 

 Дөрөвдүгээр бүлэг Тосонцэнгэл сумын Тээл багийн Тэгш булан гэдэг газраас Их-Уул сумын  Шивээ багийн Шивээн бэл гэдэг газар хүртэл 50 км-т явганаар,  

 Тавдугаар бүлэг Рашаант сумын Талын ус багийн Цацын булангийн гүүр хүртэл 40 км-т явганаар,

 Зургаадугаар бүлэг Тосонцэнгэл сумын Сэлэнгэ багийн Цацын булан гэдэг газраас Тосонцэнгэл сумын  Мухар хөндий багийн Хөх хошуу гэдэг газар хүртэл 10 км-т явганаар, 

 Долдугаар бүлэг Тосонцэнгэл сумын Тээл багийн Тэгш булан гэдэг газраас Их-Уул сумын Мандал Дөрөө хангинадаг гүүр хүртэл 88 км-т автомашинаар тус тус эрэн хайх ажиллагааг зохион байгуулсан боловч үр дүнд хүрээгүй тул ар гэрийнхэнтэй нь зөвшилцөж зогсоосон байна.


Сэлэнгэ мөрөнд осолдсон долоон иргэний гурвыг нь олоогүй байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414