Сүүлийн хоногт 11145 хүний сорьцонд  шинжилгээ хийхэд нийслэлд 864, орон нутагт 149 хүнээс, эмнэлгийн ажилтан болон дөрөвдүгээр сарын 23-нд Казакстан улсаас ирсэн иргэнээс халдвар илэрсэн. Ингэснээр 1015 хүнээс коронавирусийн халдвар илэрсэн юм. Тус хугацаанд 686 хүн эдгэрч, эмнэлгээс гарсан бол таван хүн нас барсан.

   Тухайлбал, дөрөвдүгээр сарын 19-нд онош нь батлагдсан 55 настай эрэгтэй, дөрөвдүгээр сарын 22-нд онош нь батлагдсан 37 настай эрэгтэй, дөрөвдүгээр сарын  10-нд онош нь батлагдсан 89 настай эмэгтэй, дөрөвдүгээр сарын 15-нд онош нь батлагдсан 78 настай эмэгтэй, дөрөвдүгээр сарын 11-нд онош нь батлагдсан 89 настай эмэгтэй нар эмчлүүлж байгаад нас барсан байна. Халдварын улмаас 4768 хүн эмнэлэгт хэвтэн эмчлүүлж байгаа. Түүнээс хөнгөн 2632, хүндэвтэр 1590, хүнд 437, маш хүнд 109 иргэн байна.