Коронавирусийн халдварын тархалтын талаар Эрүүл мэндийн яамнаас ээлжит мэдээлэл хийлээ.

  Энэ үеэр Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд 1015 хүнээс коронавирусийн халдвар илэрч, 37-89 насны таван иргэн нас барлаа. Тэдгээр иргэд эмнэлэгт хэвтэн эмчлүүлж байсан.  Ингэснээр улсын хэмжээнд 34623 хүн коронавирусийн халдвараар өвчилсөн. Сүүлийн 24 цагт 686 иргэн эдгэрч, нийт 18719 хүн эмчлэгдсэн. Улсын хэмжээнд эмнэлэгт 4768 иргэн хэвтэн эмчлүүлж байна. Үүнээс хүндэвтэр 1590, хүнд 437, маш хүнд 109 хүн байна. Хөнгөн өвдсөн 7629 иргэн гэрийн тусгаарлалтад, өрхийн эмчийн хяналтад эмчлүүлж байгаа. Одоогийн байдлаар тус өвчнөөр 102 хүн нас бараад байна” гэлээ.