• Өнөөдөр 2025-02-06

Мотоциклтой малд яваад нас баржээ

2021-04-28,   845

Өвөрхангай аймгийн Зүүнбаян-Улаан сумын Дэвшил багийн Зүүн цагаан гэдэг газраас малчин Д, 33 настай, эрэгтэй энэ сарын 26-ны өдрийн 10:00 цагийн орчим мотоциклтой малдаа яваад сураггүй болжээ. Тус аймгийн Онцгой байдлын газрын алба хаагчид, сумын Засаг даргын ажилтнууд малчин Д, 33 настай, эрэгтэйг эрэн хайх ажиллагааг өчигдөр 06:45 цагаас эхлэн зохион байгуулж мөн өдрийн 18:00 цагт гэрээс нь баруун хойд зүгт таван км-т Зүүн цагааны нуруу гэдэг газраас цогцсыг олж сумын Цагдаагийн хэсгийн төлөөлөгчид шилжүүлэн өгсөн байна.

Мөн Тус аймгийн Есөнзүйл сумын Тахилга багийн Хөх толгой гэдэг газраас  малчин О, 35 настай, эрэгтэй энэ сарын 26-ны өдөр 11:00 цагийн үед  малдаа яваад сураггүй болсон байна. Тус сумын Засаг даргаар ахлуулсан ажилтнууд малчин О, 35 настай, эрэгтэйг эрэн хайх ажиллагаа өчигдөр 08:30 цагаас эхлэн зохион байгуулж мөн өдрийн 19:12 цагт гэрээс нь зүүн урд зүгт 45 км-т Гиваан шанд гэдэг газраас эсэн мэнд олжээ.

 


Мотоциклтой малд яваад нас баржээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.