Эрүүл мэндийн сайд орон нутгийн эрүүл мэндийн төвийн дарга нартай халдварын нөхцөл байдлын талаар цахимаар хэлэлцжээ. Энэ үеэр Эрүүл мэндийн сайд С.Энхболд “Архангай, Булган аймгийн нэгдсэн эмнэлэг, Орхон аймгийн бүсийн оношилгоо, эмчилгээний төвд нийт 4.2 тэрбум төгрөгөөр гурван ширхэг компьютер томографын аппарат хүлээлгэж өгөхөөр авсан.

Мөн 9.3 тэрбум төгрөгийн үнэтэй, хүчилтөрөгчийн бэсрэг үйлдвэрийг 16 аймагт хоёр сарын дотор барина. Сонгон шалгаруулалтад шалгарсан компани тоног төхөөрөмжүүдээ захиалсан. Бөөрний дутагдалтай иргэд манай улсад их байна. Өвчлөлийн статистикийн дагуу 14 аймагт гемодиализын аппарат хуваарилна. Эмч нар хаа сайгүй дутагдалтай байна. Ялангуяа тархвар судлаач, лабораторийн эмч, лаборант нар ихээхэн дутагдалтай. Иймд богино хугацааны сургалтууд зохион байгуулна” гэлээ.