Эрүүл мэндийн яамнаас коронавирусийн тархалтын талаарх ээлжит мэдээлэл хийлээ.

Энэ үеэр Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр “Өнгөрсөн 24 цагийн хугацаанд Улаанбаатар хотод 744, орон нутгийн 112 хүнээс халдвар илэрч нийт 856 хүн коронавирусийн халдвараар өвчилсөн байна. Мөн 61 настай эрэгтэй, 64 настай эмэгтэй нас барлаа. Ингэснээр коронавирусийн халдварын улмаас 80 хүн нас барсан. Сүүлийн хоногт эмнэлэгт эмчлүүлж байсан 319 иргэн, гэрээр эмчлүүлж байсан 741 хүн эдгэрсэн байна. Халдварын улмаас 4451 иргэн эмнэлэгт хэвтэн эмчлүүлж байгаа. Үүнээс хөнгөн 2574, хүндэвтэр 1441, хүнд 355, маш хүнд 81 хүн байна” гэлээ.