Дорноговь аймгийн Хатанбулаг сум дахь хилийн 0168 дугаар ангид 2020 оны нэгдүгээр ээлжээр татагдсан цэрэг амиа хорложээ. Тодруулбал, Өмнөговь аймгийн Цогт-Цэций сумаас цэргийн албанд татагдсан байлдагч  25 настай Х нь өчигдөр 22:00 цагийн үед амиа егүүтгэсэн байдалтай олджээ. Байлдагчийн хувьд цэргээс халагдахад долоо хоног дутуу байсан бөгөөд малын суурьт үүрэг гүйцэтгэж байсан аж. Байлдагч Х “Малаа эргээд ирье” хэмээн гараад малын хашаанд өөрийн бүсээр хоолойгоо боомилон амиа хорлосон байжээ. Тухайн үед хамт үүрэг гүйцэтгэж байсан байлдагч удалгүй араас нь гарсан боловч анхны тусламж үзүүлэхэд оройтсон байсан аж. Тус хэргийг Дорноговь аймгийн цагдаагийн газраас шалгаж байна .